ကိုကျော်သန်း ဟာ ကျွန်တော်လေးစားရင်းစွဲရှိပြီးသား ပုဂ္ဂိုလ်တယောက်ပါ။
ဒီကနေ့လို သမိုင်းတွင်ရစ်မဲ့ ABSDF ရဲ့ ကမ္ဘာကျော် ဖြေရှင်းပွဲကြီးမှာ အင်မတန်မှခေါင်းဆောင်ကြီးလုပ်ချင်ခဲ့ကြသူများရဲ့ ဖင်မနိုင်ဘဲ ပဲဟင်းစားခဲ့မှုများကို သူတို့ ကိစ္စ သူတို့ဖါသာ ရှင်းကြတာကို ကျွန်တော်တို့အားလုံးကစောင့်ကြည့်နေကြတာပါ။ မိုးသီးဟာ စာတလုံးပေတဖွဲ့ ရေးသားတတ်သူမဟုတ်ကြောင်း ဆရာကြီးများဖြစ်ကြတဲ့ စာရေးဆရာကြီး ၃ ဦးကတောင် မှတ်ချက်ပေးခံခဲ့ရသူဖြစ်တယ်။ တခါသားက မိုးသီးက သူဟာအင်မတန်မှ စာရေးတာဝါသနာပါကြောင်း ဒါကြောင့် စာတိုပေစများလဲ ရေးလေ့ရှိကြောင်းနဲ့ သူ့မှာအဆင်သင့်ပါလာတဲ့ ဆောင်းပါးတစောင်ကို အကဲဖြတ်ပေးဖို့ တောင်းဆိုပါသတဲ့။ သူတောင်းဆိုတာကို ကံဆိုးစွာပထမဆုံး ခံခဲ့ရသူက တခြားသူဟုတ်ပါရိုးလား၊ မြန်မာစာအရေးအသားနဲ့ပါတ်သက်ရင် စည်းစနစ်အရာမှာ နဲနဲမှ ကတိမ်းကပါးမခံတတ်တဲ့ကဝိကျော် ဆရာကြီးတင်မိုး ကိုယ်တိုင် ဖြစ်ခဲ့ပါသတဲ့၊ ဆရာတင်မိုးလို အကျော်အမော် စာသူတော်တယောက်က မိုးသီးရဲ့ အရေးအသား အစအဆုံးဖတ်နေစရာမှမဟုတ်တာ ၊တကြောင်းနှစ်ကြောင်းနဲ့တင်သဘောပေါက် ကောက်ကာငင်ကာ ချက်ခြင်းမှတ်ချက်ပေးလိုက်ပုံက မိုးသီးရယ် ( ကျေးဇူးပြုပြီး မင်းစာမရေးပါနဲ့ကွယ် ) ပါတဲ့ဗျာ။ တော်ယုံလူတယောက်ဆို ဒီဆရာကြီးတယောက်စကားနဲ့တင်လုံလောက် နောက်ဆုတ်ကာအမှန်ပြန်ကျိုးစားရင် တိုးပွားစရာပဲရှိသမဟုတ်လား။ မိုးသိးဆိုတာ အလကားနာမည်ကြီးလာသူမှမဟုတ်တာ နောက်ဆုတ်တယ်ဆိုတာရာဇဝင်မှာမရှိ ငါသာအမြဲမှန်၏ဆိုတဲ့ အစားထဲက ကလား၊ ဒီတော့ နောက်ဆရာကြီးတပါးထံ ချဉ်းကပ် အတင်းအဆုံးအဖြတ်ပေးခိုင်းတော. နှယ်နှယ်ရရ မဟုတ်တဲ့ နောက်အကျော်အမော်တပါးကလဲ အားနာပါးနာနဲနဲ ဖတ်ပြပေးပြီး မှတ်ချက်မြန်မြန်ပြန်ပေးလိုက်ပုံက ( ကိုတင်မိုး ပြောသလိုပါပဲကွာ) တဲ့ခင်ဗျ။ ဒီဆရာက အစကတဲက သူ့.ငယ်သူငယ်ချင်းဆီကစကား ကြားထားပြီးသား ၊ဒါနဲ့တောင်မကျေနပ် ငါ့ဆီပါထပ်လာတဲ့ သူကောင့်သား စိတ်ထဲမှာအချဉ်ပွားရပါကြောင်းဆိုရှာသူက ဆရာကျော် မောင်စွမ်းရည်ပါတဲ့။ မိုးသီး ဆိုတာ သိတယ်နော်၊ ကိုင်လိုက်ရင် ငါးကြင်းခေါင်းမှ၊ အဲ့သလိုနဲ့ နောက်မလျှော့သေးဘူးဗျ၊ ခုနက သိတယ်နော် သိတယ်နော် လို့ ထည့်ထည့်ပြောတတ်တဲ့ ဆရာကြီးတပါးထံ ရောက်ပြန်ပါသတဲ့၊သူကလဲ ဟိုဆ၇ာကြီး နှစ်ပါးဆီက စကားကြားထားပြီးဖြစ်နေပြန်သတဲ့၊ ဒါနဲ့မိုးသီးတယောက် ဆက်ဆက်ရောက်လာပြန်တော့ ဒေါက်ဒေါက် ဘယ်သူလဲ၊ ကျနော်ပါ မိုးသီး ဟိုပြောထားတဲ့ကိစ္စ ဆရာဖတ် ဖို့လို့။ အေးအေး အိမ်ရှေ့မှာပဲထားခဲ့ကွာ။ဒါနဲ့ စာမူလေးအသာလှေကားရင်းက နှင်းတွေကြားမှာချခဲ့ ၊ တရက်နှစ်ရက်နေတော့ ဖုန်းတခါပြန်ဆက် ဆရာ ကျွန်တော့် ဟာလေး ဖတ်ပေးပြီးပလား၊ အေးအေးပြန်လာယူတော့ အပြေးအလွှားဘာမှတ်ချက်စကားများကြားရမလဲ ရင်တထိတ်ထိတ်နဲ့ပေါ့၊ ဟိုရောက်တော့ ချက်ချင်းသဘောတော်ပေါက်သွားပုံက ဟိုနေ့ ကသူထားခဲ့တဲ့စာမူကလေး လှေကားရင်းမှာ ကွေးကွေးလေး နဲနဲလေးတောင်နေရာမရွေ့ သူတွေ့လိုက်ရပါရောတဲ့၊ သူ.ကိုနောက်ဆုံး (လက်ဆင်) ပေးလိုက်သူက မောင်သာရ ဆိုတဲ့ ပါချီပါချဲ့ မဟုတ်သူ။ ကိုင်း ဒီလောက်ဆို သိဖို့ကောင်းပါပြီ။ မိုးသီး (ဘလော့ ဂ်) ဆိုပြီး နောက်ကနေေ၇းပေးနေသူက ကိုယ်တိုင် ဆရာဝန်ဘွဲ.ကြီးဆွတ်ခူးထားသူ အလုပ်အကိုင်ပင်ပန်းရတဲ့အထဲ အဖြူ ရှေ့နေမကိုယူထားမိလို့ ရထားတဲ့ခလေးနှစ်ယောက်လဲထိမ်း အဝတ်လျှော် ထမင်းချက်လဲလုပ်ရင်း ရသမျှ အချိန်ကိုအသဲအသံ လုနေရရှာတဲ့ ဒေါက်တာအေးမင်း။ ဘာကြောင့် မိုးသီးတို့ လက်ကြောမတင်းလဲ ဆိုတာ ကိုယ့်ထမင်းကိုယ်စားဂျီးတော်နွားအလကားဝင်ကြောင်းပေးချင်ကြတဲ့ ခင်ဗျားတို့လို ရှဲဒိုးတွေရှိနေလို့ ပါပဲ။ ခုလဲ တတိုင်းပြည်လုံးရဲ့ အနာ၈ါတ်ရေးနဲ့ပါ သက်ဆိုင်တဲ့ ခေါင်းဆောင်ကြီးများရှင်းလင်းပွဲမှာကိုကျော်သန်း က ရှဲဒိုးဝင်ရေးပေးတော့ မိုးသီးရဲ့ အာဘော်စစ်စစ် ဘယ်ဖြစ်တော့မလဲဗျာ၊ မဆီမဆိုင် ခုနက မိုးသီးစာရေးမကောင်းတာ အလကားထည့်ပြောတာမဟုတ်ပါ၊ အဲ့ဒီလို အရေးအသားချောအောင် မိုးသီးရေးတာဘယ်လိုမှမဖြစ်နိုင်တာ စာကိုဖတ်ကြည့်ယုံနဲ့ သိသာပါတယ်၊ ကျွန်တော်ပိုပြီး စိတ်မကောင်းဖြစ်ရတာက ကိုကျော်သန်းလိုလူမျိုးက မိုးသီးရဲ့ ရှဲဒိုး ဖြစ်နေတာ ခင်ဗျားအဆင့်နဲ့မတန်ပါဘူးဗျာလို့ မချင့်မရဲဖြစ်မိတာပါပဲ။ ခုလိုကိစ္စမျိုးမှာကျွန်တော်တို့က ဘေးကပဲ တည့်မတ်ကြသင့်တယ်လို့ထင်မိပါကြောင်းခင်ဗျာ။
နံရံအားလုံးမှာ နားရော မျက်စိပါ ရှိနေပါတယ် ၊ဘယ်ဟာကိုမျအမှု အမှတ်မဲ့ မလုပ်မိကြပါစေနဲ့
ထင်ကျော်ထက်
No comments:
Post a Comment