ဆရာနောင်ကျော်(ကိုဌေးသိန်း)ရဲ့ စကားတွေကိုကြိုက်လွန်းလို့ ပြန်
လည်ဖော်ပြလိုက်ပါတယ်။
အဲဒီလို အမှားမျိုးတွေ ကိုမိုးသီးဇွန်ဘက်မှာ ကျူးလွန်ခဲ့တာရှိရင်လည်း တာဝန်ယူဖြေရှင်းသင့်ပါတယ်။
ကျွန်တော် ဒီစာကို ရေးနေချိန်မှာ အာဃာတမပါဘူးဆိုတာ သေချာပါတယ်။ ကိုယ်တိုင်မခံရတာ ကြောင့်လည်း ဖြစ်ပါလိမ့်မယ်။
မြောက်ပိုင်းရဲဘော်တွေ အောင့်အည်းမျိုသိပ်ထားခဲ့ရတဲ့ နှစ်(၂၀)ကျော်က ဒဏ်ရာကို ပြပြီး ရင်ဖွင့်အော်ငိုနေကြတာပါ။
ရန်သူအားရဖို့ မဟုတ်။
လူစိတ်ရှိသူတွေ ကြားကြဖို့ပါ။
နားမထောင်ချင်ရင် ပါးစပ်ပိတ်နေပေးပါ။
လေကြီးဖင်ကျယ် ပုဒ်ထီးပုဒ်မတွေနဲ့ ဒီပဲယင်းကို ဖွင့်ချပါလားဆိုပြီး
လေမထွားပါနဲ့၊ မရှုတ်ချပါနဲ့၊ အပုပ်မချပါနဲ့။
သင်ခန်းစာယူကြရမယ့် သမိုင်းမှာ
ကြေးစားတွေ ၀င်မရိုင်းပါနဲ့၊
သူတို့လုပ်ခဲ့ကြတဲ့ လက်နက်ကိုင်တော် လှန်ရေးဆိုတာ ဟန်းနီးမွန်းမဟုတ်၊
အပန်းဖြေခရီးက ရမ္မက်မီးတောက်အနမ်းမဟုတ်၊
နိုင်ငံရေးဗန်းပြ ပြီး လုပ်စားတာ မဟုတ်။
အဓမ္မသုတ်သင်ရေး လမ်းကြောင်းမှာပဲ အဓမ္မကျင့်ခံရသူတွေ ရှိခဲ့တယ်ဆိုတာ
ရိုးသားစွာ မှတ်တမ်း တင်ပါစို့လား။
ခင်ဗျားတို့သာ အစိုးရနဲ့ ပေါင်းစားသူ၊ အင်ဖော်မာလို့ စွပ်စွဲခံရရင် ဘယ်လိုနေကြမလဲ။
ရိုက်နှက်နှိပ်စက်တာ မပါသေးဘူးနော်။ သိချင်လို့ပါ။
No comments:
Post a Comment