ဒီနေ့ သတင်းတွေထဲမှာ မြောက်ပိုင်းကျောင်းသားလူသတ်မှု့တွင် အဓိက တာဝန်ရှိသူလို့ ပြောဆိုနေကြတဲ့ ဒေါက်တာနိုင်အောင်တယောက် မြန်မာပြည်မှာ မြန်မာမြေကို ရဲရဲကြီး ခြေချပြသွားတာကို သတင်းဌာန ပေါင်းစုံမှာ တွေ့မြင်ကြမှာဖြစ်ပါတယ်၊
ရက်ပိုင်းအတွင်းမှာပဲ ဒုတိယတာဝန်အရှိဆုံးလူလို့ ပြောဆိုနေကြတဲ့ မိုးသီးဇွန်ကလဲ မြန်မာပြည်ကို ရဲရဲကြီး ရင်ကော့ပြီးရောက်လာတော့မှာ ဖြစ်ပါတယ်၊
သူတို့တတွေ မြန်မာပြည်ကို ပြန်လာပြလိုက်ခြင်းဟာ အများက သိုမဟုတ် မြောက်ပိုင်းလူသတ်မှုမှ စွပ်စွဲချက်များကို နုတ်ဖြင်ပြန်မဖြေပဲ လက်တွေ့ကျကျ စင်ပေါ်မှာရင်ကော့ပြီး ပြန်လည်ဖြေရှင်းသွာနိုင်ခဲ့ကြတယ်လို့ပြောရမှာပါ၊ ယေဘုယျသဘောအားဖြင့် သူတို့ကိုသူတို့ တရားခံလို့ယူဆနေရင် သန်းပေါင်း ၆၀ လောက်သော မြန်မာပြည်သူတွေအရှေ့ သူတို့တတွေခုလို လာရောက်နိုင်စရာအကြောင်းမရှိပါဘူး၊
တဖက်ကကြည့်ပြန်ရင်လဲ မြောက်ပိုင်းကျောင်းသားတွေ တကယ်အသတ်ခံခံ့ရတယ် ဒီအသတ်ခံရမှုမှာ ၈၈၈၈ ကျောင်းသားခေါင်းဆောင်တွေ တကယ်သေသွားကြတယ်၊ သူတို့တတွေက တကယ်ပဲ သူလျှိုတွေလား၊ စစ်ထောက်လှမ်းရေးတွေလား ။
လွန်ခဲ့တဲ့နှစ်ကစပြီး မြောက်ပိုင်းကျောင်းသာ လူသတ်အရေးအခင်းမှ လွတ်မြောက်လာသူတွေအနေနှင့် အင်တာနက်စာမျက်နှာတွေပေါ်မှာ ကြေကွဲဝမ်းနည်းဘွယ် တုန်လှုပ်ခြောက်ခြားဘွယ် သတင်းတွေအဖြစ် ပြန်လည်ဆန်းသစ်စိမ်ခေါ်မှုတွေ ပြုလုပ်ခဲ့ကြတာ အများသိပြီးဖြစ်ပါတယ်၊
အဲ့ဒီအထဲမှာ စာရေးသူကိုယ်တိုင်ကလဲ နဝတလက်ထက် ဗိုက်ခင်ညွန့်ရဲ့သတင်းစာရှင်းလင်ပွဲလောက်သာ ဖတ်ခဲ့ရပြီး ရဲဘော်ရဲဘက် ပတ်သက်သူ သူငယ်ချင်းအချို့တွေရဲ့ ပြန်လည်ပြောပြတာတွေကိုပဲ စိတ်မကောင်းစွာ ရင်ထဲမှာရှုတ်ထွေးလေသော ဇာတ်လမ်းတပုဒ်အဖြစ် အမှန်တရားရဲ့တနေ့ဆိုတာကိုသာ မျှော်လင့်ထားခဲ့ရတယ်။
ဘာပဲပြောပြောပေါ့ ဒီနေ့တော့ ကြယ်တွေဆုံပါပြီ ၈၈၈၈ ရာဇဝင်မှာ ပြည်တွင်းပြည်ပ ကျောင်းသားခေါင်းဆောင်များ မြန်မာပြည်မှာ လွတ်လွတ်လပ်လပ်ကြီး တွေ့ဆုံလို့ရနေပါပြီး၊ ဒီမြောက်ပိုင်းလူသတ်မှု့တွေနဲ့ပတ်သက်ပြီး ရဲဘော်ရဲဘက်ကျောင်းသားခေါင်းဆောင်များ အထူးသဖြင့် မြန်မာနိုင်ငံ လွတ်လပ်ရေးရပြီးသမိုင်းမှာ အထင်ရှားဆုံးဖြစ်ခဲ့တဲ့ ၈၈၈၈ အဏာရှင်တော်လှန်ရေးသမိုင်းကြီးရဲ့ တပိုင်းတစ၊ ခေတ်အဆက်ဆက် ကျောင်းသားဆိုသူတွေအတွက် အာဏာရှင်တော်လှန်ရေးလုပ်တိုင်း သင်ခန်းစာယူစရာကြောက်ရွံဘွယ် သမိုင်းဆိုး သမိုင်းညစ်ကြီးတခုအဖြစ်မှ တာဝန်သိမှု တာဝန်ယူမှု တာဝန်ခံမှုများဖြင့် ရဲရဲရင့်ရင့် ရှင်းလင်ပြတ်သားစွာ သမိုင်းတာဝန်များကို သမိုင်းကျေအောင် လုပ်ဆောင်ပေးကြပါလို့ လေးလေးစားစားအထူးမေတ္တာရပ်ခံလိုက်ပါတယ် ။
( ဦးနိုင်ဝင်း လန်ဒန် )
No comments:
Post a Comment